யுவதி - மார்கழி - யுவன்

கொடும்பனியிலும் கூட தை மாத தாலி வரம் கேட்டு நிகழ்கிறது  யுவதிகளின் நன்னீராடல். திருப்பாவை ஆண்டாள் துவக்கிவைத்தது இன்னும் தொடர்கிறது மேட்ரிமோனியில் வரன் பார்க்கிற இந்த காலத்திலும். கடந்தகால எச்சங்களை விசாரணைக்கு உட்படுத்தாமலேயே நிகழ்கால சந்ததிதகள் ஏற்றுக்கொண்டுவிடுகிறது இது போன்றவற்றை. அறிவியல் வளர்ந்ததை அறியவைக்கும் செல்போன், இணையதள, வலைதள பயன்பாடுகள், இன்னும் ஏராளம். இதையெல்லாம் விட்டுவிட்டு இன்னும் கோவில்களுக்குள் தஞ்சம் அடைவது நிச்சயமாக ஏனென்று  தெரியவில்லை.  காலம் கொஞ்சம் மாறிவிட்டதற்கு அர்த்தம் தருகிற பாணியில் கோவில்களில் நடக்கிற வைகறை வழிபாட்டில் ஆண்களும் கூட. இளம்பெண்களுக்காக மட்டுமே அறியப்பட்ட மார்கழி மாதம் இளைஞர்களுக்காகவும் இணைந்திருக்கிறதோ! இணை தேடித்திரியும்  இவர்களுக்கு சுயம்வரமாகிடுமோ மார்கழி திங்கள். ஆண்டாள்கள் ரெங்க மன்னனைத்தேடி போகிறார்கள்! ரெங்க மன்னன்கள் ஆண்டாளை நாடி வருகிறார்கள். தேடியும், நாடியும் நிகழ்கிற நேரத்தில் கூடிவரட்டும் .............
மார்கழி மகிழும். விலைபேசப்படும் திருமணங்களுக்கு மாற்றாய் மலரட்டும் மார்கழி மாதம். சாதியும், மதமுமாய் பேசித்திரிகிற சமூகத்தில்  வாழ்வியல்
நெறிமுறைகளைத் தொகுத்து  தருகிற பண்பட்ட குடும்பங்கள் பூக்கட்டும்.
பேதமற்ற சமூகத்தை கண்டுபிடிப்போம்.

காலை கண்ட காட்சியிகளிலிருந்து  

- கே.எம் பாரதி , ஆய்வு மாணவர் , மதுரை காமராஜர் பல்கலைகழகம் 

இனிமேல் வேண்டாம் Bye! Bye!

நேற்றைய தினம் எனது பிரியமான சகா உடன் உரையாடல் நிகழ்ந்த சமயம்., பேச்சு முடியும் தருவாயில் BYE bye என்றார். எதற்காக Bye சொல்றீங்க என கேட்டபோது அவருக்கும் புரியவில்லை.
உறவுகள் நம்மோடு பிணைந்திருப்பதையே விரும்புகிற மனப்பான்மை தமிழர் எதார்த்தம். யதார்த்தத்தை மறந்து இன்று நம்முடைய குழந்தைகளுக்கு சொல்லித்தருகிறோம் bye bye.. உண்மையான அர்த்தம்தான் என்ன? மாமழையை, நிலவை, சூரியனை பாடிய சிலப்பதிகாரம், மரங்களைக்கூட தங்கையாக பாவித்த நற்றிணை, அகநானூறு, இன்னும் ஏராளம், இயற்கையை, அஃறிணையை பாடிய தமிழ் சமூகத்தின் வழிவந்தவர்கள் நாம். ஆனால் நுனி நாக்கு ஆங்கிலத்தில் பாடுகிற நடமாடும் எந்திரமாக குழந்தைகளை மாற்றியிருக்கிறோம். நாம்மையும் சேர்த்துக்கலாம்.  இப்போது நினைவுக்கு வருவது "பசங்க -2 " திரைப்படமே.  வருகிற விருந்தாளிகளை வரவேற்று முடிந்ததும் குழந்தைகளை " ஆஃன், ஆஃப்" செய்கிற வேலைதான் முதலில் நடக்கிறது வீடுகளில்.! அந்த திரைப்படத்தில் வந்த உறவினர் ஆச்சர்யப்பட்டு கேட்கிறபோது, அந்த குழந்தை சொன்னது எல்லாரையும் சிரிப்புக்குள்ளாக்குகிறது.  உறவுகளை கொண்டாடுவதை விட்டுவிட்டு நுனி நாக்கு ஆங்கில மனப்பாடங்களை களைப்புற ஒப்பிக்க சொல்வது இன்றைய வேடிக்கை. மாறட்டும் எல்லாம். நம்ம விசயத்துக்கு வருவோம். இனிமேல் Bye bye வேண்டாம்.  போய்ட்டு வாங்க!  ன்னே சொல்லிப்பழகலாம். உறவுமுறை தொடர. எவ்வளவாய் இருக்கிறது. இப்போது நானும் போய்ட்டு வரேன்! சகாக்களே!

நன்றி

எனது சகாவிற்கு ...